کیچ ( مانیٹرنگ ڈیسک ،نامہ نگاراں ) پاکستانی فورسز نے چھاپوں دوران متعد افراد کو حراست میں لیکر جبری لاپتہ کردیاتاہم تین کے نام سامنے آگئے ہیں ۔
بلوچستان میں جبری گمشدگیوں کے واقعات کا سلسلہ تھم نا سکا، کیچ سمیت ملحقہ علاقوں میں فورسز فوج کشی کے دوران ابتک متعدد افراد جبری گمشدگی کا نشانہ بنے ہیں۔
بلوچ نیشنل مومنٹ کے انسانی حقوق کے ادارے پانک نے تربت سے جبری گمشدگیوں کی تصدیق کرتے ہوئے کہا ہے کہ عطاء اللہ ولد نور بخش، یاسر بلوچ ولد حمید اللہ اور بلال امام ولد امام بخش پاکستانی فورسز نے حراست بعد جبری طور پر لاپتہ کردیا ہے۔
پانک کے مطابق تینوں نوجوانوں کو 8 سے 13 اکتوبر 2024 سے تربت ضلع کیچ سے جبری گمشدگی کا نشانہ بنایا گیا ہے۔
ذرائع کا کہنا ہے کہ متعدد افراد کو فورسز نے جبری گمشدگی کا نشانہ بنایا ہے مگر دیگر افراد کے نام تاحال معلوم نہیں ہوسکے پیں ۔
