بلوچستان کے ضلع مستونگ کے علاقے کھڈکوچہ میں نامعلوم مسلح افراد کی فائرنگ سے دو افراد جاں بحق ہوگئے۔
اطلاعات کے مطابق جاں بحق ہونے والے افراد کی شناخت محمد رحیم کٹوہار اور رضا محمد عرف جاوید کٹوہار کے ناموں سے ہوئی ہے۔
زرائع کے مطابق مذکورہ افراد باغ میں کام کر رہے تھے جب انہیں فائرنگ کا نشانہ بنایا گیا۔
زرائع کا کہنا ہے کہ دونوں افراد کا تعلق ڈیرا سے ہے، جو مستونگ میں مزدوری کر رہے تھے، تاہم ان کے آبائی علاقے کی مکمل تفصیلات تاحال موصول نہیں ہوئی ہیں۔
واقعے کے محرکات اور ذمہ داروں کے حوالے سے مزید معلومات سامنے نہیں آئی ہیں۔
