خضدار: کراچی-کوئٹہ آر سی ڈی شاہراہ پر وڈھ کے مقام پر گزشتہ پانچ گھنٹوں سے مسلح افراد کی جانب سے ناکہ بندی جاری ہونے کی اطلاعات ہیں۔
اطلاعات کے مطابق، حملہ آوروں نے ایک پل کو بلڈوزر کے ذریعے نشانہ بنایا، جس کے نتیجے میں پل کو نقصان پہنچا۔ تاہم، نقصان کی نوعیت اور اس کے باعث ٹریفک کی صورتحال سے متعلق مزید تفصیلات تاحال سامنے نہیں آ سکیں۔
واقعے کے حوالے سے حکام کی جانب سے باضابطہ مؤقف بھی ابھی تک جاری نہیں کیا گیا، جبکہ مزید معلومات کا انتظار ہے۔
