نوشکی کے علاقے قادر آباد میں معمولی تنازعہ پر دو فریقین کے درمیان مسلح تصادم کے نتیجے میں تین بھائیوں سمیت چار افراد ہلاک ہوگئے۔
ذرائع کے مطابق واقعہ خالی دکان کو کرایہ پر لینے کے معاملے پر پیش آیا، جو دیکھتے ہی دیکھتے شدید جھگڑے اور فائرنگ میں تبدیل ہوگیا۔ فائرنگ کے نتیجے میں ایک فریق سے تین بھائی بابو علم خان، بیبرگ خان اور ذوالقرنین ولد دینار خان بادینی موقع پر ہی ہلاک ہوگئے، جبکہ دوسرے فریق سے سہیل احمد ولد محمد ایوب بادینی بھی جان کی بازی ہار گیا۔
