تربت کے علاقہ خیرآباد میں نامعلوم مسلح افراد کی فائرنگ سے ایک شخص ہلاک ہوگیا۔ ذرائع کے مطابق، موٹر سائیکل سوار ملزمان نے محمد نعیم ولد محمد یعقوب سکنہ خیرآباد کو نشانہ بنایا اور فائرنگ کے بعد فرار ہونے میں کامیاب ہوگئے۔
یہ اتوار کے روز تربت میں فائرنگ کے نتیجے میں ہونے والا دوسرا قتل ہے۔ اس سے قبل آبسر ریسرچ فارم کے علاقے میں رحمدل نامی شخص بھی نامعلوم افراد کی فائرنگ سے ہلاک ہوچکا ہے۔
تاہم تاحال دونوں کے قتل کے محرقات معلوم نہیں ہوسکے۔
