بلوچستان کے ضلع پنجگور کی تحصیل پروم میں آج سہ پہر مسلح افراد نے ریاستی حمایت یافتہ ڈیتھ اسکواڈ کے کارندوں کو ایک حملے میں نشانہ بنایا، جس کے نتیجے میں کئی ہلاکتوں کی اطلاع ہے۔
ذرائع کے مطابق، حملہ اس وقت کیا گیا جب ڈیتھ اسکواڈ کے ارکان اپنی گاڑیوں میں علاقے سے گزر رہے تھے۔ حملے کے بعد ان کی گاڑیاں اور لاشیں کئی گھنٹوں تک جائے وقوعہ پر پڑی رہیں۔ اس دوران آخری اطلاعات تک پاکستانی فوج کو جائے وقوعہ کی طرف بڑھتے ہوئے دیکھا گیا ہے۔
ڈیتھ اسکواڈ کے کارندے، جو بلوچ نوجوانوں کے اغوا اور قتل میں ملوث رہے ہیں، بلوچ آزادی پسندوں کے حملوں کا نشانہ بنتے رہے ہیں۔ یہ گروہ پاکستانی فوج کے حمایت سے سرگرم ہے۔
مقامی ذرائع کے مطابق، حملے کے نتیجے میں ڈیتھ اسکواڈ کے ارکان کی ہلاکتیں ہوئی ہیں، تاہم ان کے درست تعداد کے بارے میں مزید تفصیلات آنا باقی ہیں۔
