بلوچستان لبریشن فرنٹ نے اپنے تازہ ترین بیان میں کہا کہ سوب کے سرمچاروں نے نوکنڈی میں متعدد غیرملکی افراد کو یرغمال بنایا ہے۔ ترجمان نے کہا کہ بلوچستان لبریشن فرنٹ (بی ایل ایف) کے اسپیشل دستہ؛ سدو آپریشنل بٹالین (سوب) کے سرمچار گزشتہ چھتیس گھنٹوں سے نوکنڈی میں برگیڈ ہیڈ کوارٹر کے وسط میں سیندک اور ریکوڈک پراجیکٹس کے غیرملکیوں کے دفاتر اور رہائشی کمپاؤنڈ پر قابض ہیں۔ اس دوران پاکستان کی زمینی و فضائی فورسز، خصوصاً ایس ایس جی کمانڈوز، نے کمپاؤنڈ کا کنٹرول واپس لینے کی متعدد کوششیں کیں، تاہم سرمچاروں کے جوابی حملوں کے باعث انہیں پسپائی اختیار کرنا پڑی۔ گزشتہ دو دنوں کی جھڑپوں میں ہلاک ہونے والے کئی فوجی اہلکاروں کی لاشیں تاحال وہاں موجود پڑے ہیں۔
انہوں نے کہا کہ بی ایل ایف بذریعہ میڈیا اعلان کرتی ہے یرغمال بنائے گئے غیر ملکی افراد کو اگر کوئی نقصان پہنچا تو اس کی ذمہ داری براہِ راست پاکستان پر عائد ہوگی۔
