بلوچستان کے علاقے بولان میں پاکستانی فورسز کو ایک سنگین حملے کا سامنا کرنا پڑا جس سے فورسز کو جانی و مالی نقصانات کا سامنا کرنا پڑا ہے۔
ذرائع کے مطابق آج صبح بولان میں بی بی نانی کے مقام پر پاکستانی فورسز کے تین گاڑیوں پر مشتمل قافلے پر مسلح افراد نے راکٹوں اور بھاری ہتھیاروں سے گھات لگا کر حملہ کیا۔ تقریباً چالیس منٹ تک فائرنگ کا سلسلہ جاری رہا، جس کے نتیجے میں فوجی اہلکاروں کے ہلاک اور زخمی ہونے کی اطلاعات موصول ہوئی ہیں۔
حملے کے بعد فورسز نے بعد سڑک کو مکمل طور پر بلاک کرتے ہوئے ہر طرح کی آمد و رفت معطل کر دی ہے۔
دوسری جانب بلوچستان کے مختلف علاقوں میں 24 گھنٹوں کے اندر اب تک 20 سے زائد حملے رپورٹ ہوئے جس سے فورسز کو جانی و مالی نقصانات کا سامنا کرنا پڑا ہے۔ تاہم ان حملوں کی ذمہ داری کسی تنظیم نے تاحال قبول نہیں کی ہے۔
