بلوچستان کے ضلع آواران کے تحصیل مشکے میں آج صبح پروار پمپ کے قریب نامعلوم مسلح افراد نے ایک روڈ تعمیراتی کمپنی پر حملہ کیا۔ ذرائع کے مطابق حملہ آوروں نے منصوبے پر کام کرنے والی بھاری مشینری اور متعدد گاڑیوں پر فائرنگ کے بعد آگ لگا کر مکمل ناکارہ بنا دیا۔
واقعے میں آدھے درجن سے زائد گاڑیاں اور بھاری مشینری مکمل طور پر جل کر خاکستر ہوگئیں۔ حملہ کرنے کے بعد مسلح افراد ایک ویگو گاڑی اپنے ساتھ لے کر فرار ہونے میں کامیاب ہو گئے۔
اس طرح کے حملے بلوچ آزادی پسند تنظیموں کے جانب قبول کرتے رہے ہیں، تاہم اس حملے کی ذمہ داری تاحال کسی تنظیم نے قبول نہیں کی ہے۔
