بلوچستان کے ضلع کیچ کے علاقے مند میں گزشتہ روز مسلح افراد نے پاکستانی فوج کو حملوں میں نشانہ بنایا جبکہ ایک پُل کو دھماکے سے اُڑیا دیا گیا۔
ذرائع کے مطابق، گزشتہ روز دوپہر کو دشت میں دریا چم اور شَند کے درمیان مسلح افراد نے پاکستانی فوج کے قافلے پر گھات لگا کر حملہ کیا، جس کے نتیجے میں فورسز اہلکاروں کو جانی نقصانات ہوئے ہیں۔ حملے کے بعد جائے وقوعہ کے جانب ہیلی کاپٹر پہنچے جنہیں نے اپنے لاش اور زخمیوں کو لے کر واپس روانہ ہوا۔
اسی طرح، مند کے پہاڑی علاقے شیپچار میں بھی مسلح افراد نے گزشتہ روز پاکستانی فوج کی ایک چیک پوسٹ کو نشانہ بنایا۔ اس حملے سے فورسز اہلکاروں کو جانی نقصان کی اطلاعات موصول ہوئی ہیں۔
ادھر، مند کے علاقے کوہ ڈگار میں نامعلوم افراد نے گزشتہ دنوں ایک پل کو دھماکے سے اُڑا دیا، جس کے باعث شاہراہ بند ہو گئی اور گاڑیوں کی آمد و رفت شدید متاثر ہوئی۔
تاہم تاحال کسی تنظیم نے ان حملوں کی ذمہ داری قبول نہیں کی ہے۔
