تمپ کے علاقے نظرآباد میں بلوچ یکجہتی کمیٹی کی جانب سے نکالی گئی ریلی پر نامعلوم مسلح افراد نے فائرنگ کر دی، جس کے نتیجے میں ریلی کے شرکا خوفزدہ ہو کر منتشر ہو گئے۔
ذرائع کے مطابق یہ ریلی اکمل صالح، عبداللہ مہم جان اور دیدگ داد رحمان کے قتل کے خلاف احتجاج کے طور پر نکالی گئی تھی۔ جیسے ہی ریلی کا آغاز ہوا، دو موٹر سائیکلوں پر سوار چار نقاب پوش حملہ آوروں نے قریب آ کر ریلی پر اندھا دھند فائرنگ شروع کر دی۔
تمپ کے ایک سرکاری اہلکار نے واقعے کی تصدیق کرتے ہوئے بتایا کہ ریلی میں خواتین اور بچے بھی شامل تھے۔ ان کے مطابق فائرنگ کا مقصد ریلی کو سبوتاژ کرنا معلوم ہوتا ہے۔
ذرائع نے بتایا کہ فائرنگ کرنے والے افراد کا تعلق ریاستی ڈیتھ اسکواڈ سے تھا۔
