تفصیلات کے مطابق، بلوچستان کے ضلع پنجگور کے علاقے عیسیٰ تاناپ میں پاکستانی فورسز نے ایک گھر پر چھاپہ مار کر باپ اور بیٹے کو حراست میں لینے کے بعد جبری لاپتہ کردیا۔
مقامی ذرائع کے مطابق لاپتہ ہونے والوں کی شناخت عبدالقادر اور ان کے بیٹے امجد کے ناموں سے ہوئی ہے۔ اہلِ علاقہ کا کہنا ہے کہ گزشتہ شب فورسز نے گھر کا محاصرہ کیا اور دونوں افراد کو اپنے ساتھ لے گئی، جس کے بعد سے ان کے بارے میں کوئی معلومات نہیں ہیں۔
دوسری جانب قلات سے مستونگ کے رہائشی نوجوان عبدالناصر ولد عبدالخالق، جو قلات میں مزدوری کرتا تھا، کو 11 اکتوبر کی صبح نماز کے لیے جاتے ہوئے فورسز نے کوہنگ کے علاقے سے حراست میں لے کر لاپتہ کردیا۔ تین روز گزرنے کے باوجود نوجوان کے حوالے سے کوئی خبر سامنے نہیں آئی ہے۔
اہل خانہ اور مقامی ذرائع کے مطابق تاحال حکام نے ان واقعات پر کوئی موقف پیش نہیں کیا ہے، جبکہ لوگوں میں شدید تشویش اور بے چینی پائی جاتی ہے۔
