بولان— پاکستانی فورسز نے آج صبح سے بولان کے مختلف علاقوں کھجوری، پیر غائب، بی بی نانی اور بارڑی میں بڑے پیمانے پر زمینی آپریشن کا آغاز کر دیا ہے۔
اطلاعات کے مطابق پورے علاقے کو گھیرے میں لے کر فوجی نقل و حرکت تیز کر دی گئی ہے، جبکہ ڈرون طیاروں کی مسلسل پروازیں بھی جاری ہیں۔
مقامی ذرائع کے مطابق فورسز کی بڑی تعداد علاقے میں داخل ہو چکی ہے، تاہم کسی ممکنہ جانی نقصان یا گرفتاری کی اطلاعات تاحال موصول نہیں ہوئیں۔
یاد رہے کہ گزشتہ روز بھی ان علاقوں میں دھماکوں کی آوازیں سنائی دی تھیں، تاہم ان کی نوعیت کے بارے میں کوئی مصدقہ معلومات سامنے نہیں آ سکی تھیں۔
یاد رہے کہ ان علاقوں میں بلوچستان لبریشن فرنٹ (بی ایل ایف) کے سرمچاروں نے کچھ روز قبل شاہراہوں پر 7 گھنٹوں تک ناکہ بندی کی تھی، جس کے دوران پاکستانی فورسز کو نشانہ بنا کر جانی و مالی نقصان پہنچایا گیا تھا۔ اسی کارروائی کے دوران ایم پی اے کے گن مینوں کا اسلحہ بھی ضبط کیا گیا تھا۔
