کوہلو ( نامہ نگار )کوہلو پریس کلب کی جانب سے جاری بیان میں کہاگیا ہے کہ گزشتہ روز نیشنل پریس کلب کے ممبر صحافی موسی جان نے لیویز فورس نا اہلی و ناکامیوں کا پردہ فاش کیا تو بجائے اپنی فورس کی کمی کوتاہی دور کرنے اور اسے بہتر کرنے کے بجائے بد معاشی پر اتر کر اور انتقامی کارروائی کر کے من گھڑت ایف آئی آر درج کرکے انھیں حراست میں لے لیا ۔
ترجمان نے کہاہے کہ نیشنل پریس کلب ایسے جھوٹی ایف آئی آر کو مکمل طور پر رد کرتی ہے اور بے بنیاد ایف آئی آر کو آزادی ء صحافت پر قدغن قرار دے کر نیشنل پریس کلب ضلعی انتظامیہ سے مطالبہ کرتی ہے کہ صحافی موسی جان پر جعلی ایف آئی آر کو واپس لے لیں ، بصورت دیگر سڑک بند کر کے احتجاج کیا جائے گا۔
