مستونگ ( پ ر ) بلوچ لبریشن آرمی کے ترجمان جیئند بلوچ نے میڈیا کو جاری کیئے گئے بیان میں کہا ہے کہ بی ایل اے کے سرمچاروں نے گذشتہ روز مستونگ کے علاقے اسپلنجی میں قابض پاکستانی فوج کو دو مختلف حملوں میں نشانہ بنایا، جن میں دشمن فوج کے 8 اہلکار ہلاک اور 3 زخمی ہوگئے جبکہ ایک بکتر بند گاڑی تباہ اور چار گاڑیوں کو شدید نقصان پہنچا۔
انہوں نے کہا ہےکہ اسپلنجی کے علاقے گونڈین مَرو میں بلوچ لبریشن آرمی کے سرمچاروں نے گھات لگاکر قابض پاکستانی فوج کے قافلے کو بھاری و خودکار ہتھیاروں سے نشانہ بنایا، دشمن فوج کی ایک ٹرک سمیت چار گاڑیاں حملے کی زد میں آئیں، جس کے نتیجے میں دشمن کے آٹھ اہلکار ہلاک ہوگئے جبکہ دو گاڑیوں کو شدید نقصان پہنچا۔
ترجمان نے کہا ہےکہ حملے کی زد میں آنے والی قافلے کی کمک کیلئے پہنچنے والی دشمن فوج کی ایک بکتر بند گاڑی کو بلوچ لبریشن آرمی کے سرمچاروں کے ایک اور دستے نے ریموٹ کنٹرولڈ آئی ای ڈی حملے میں نشانہ بنایا جس کے نتیجے میں بکتر بند مکمل تباہ ہوگیا، جبکہ اس میں تین دشمن اہلکار شدید زخمی ہوگئے۔ آئی ای ڈی حملے کے باعث دشمن فوج پیش قدمی کرنے میں ناکام ہوگئی۔
انہوں نے کہا ہےکہ حملے کے بعد مذکورہ علاقے میں دشمن فوج کے ہیلی کاپٹر پہنچے، تاہم بلوچ سرمچاروں منظم منصوبہ بندی کے تحت حملوں کے بعد اپنے محفوظ ٹھکانوں کو منتقل ہوگئے۔
جیئند بلوچ نے کہاہے کہ بلوچ لبریشن آرمی اس حملے کی ذمہ داری قبول کرتی ہے اور اس عزم کا اعادہ کرتی ہے کہ بلوچ وطن کی آزادی تک ہماری مسلح مزاحمت جاری رہیں گی۔
