شال ( مانیٹرنگ ڈیسک ) بلوچستان نیشنل پارٹی کے مرکزی ترجمان نے جاری پریس ریلیز کے مذمتی بیان میں گیا ہےکہ گزشتہ رات کراچی ایئرپورٹ پر مارنگ بلوچ کو بیرون ملک جانے سے روکنے ذہنی کوفت اور پریشان کرنے کی شدید الفاظ میں مذمت کرتے ہیں۔
انھوں نے کہا ہے کہ غیر قانونی طریقے سے ان کو روکنے اور اے سی ایل میں ان کا نام بھی نہیں تھا، اس کے باوجود روکنے کا کوئی قانونی جواز نہیں بنتا اور ان کے ڈرائیور کو زد کوب کرنا اور مارنگ بلوچ کے موبائل پاسپورٹ سیکیورٹی فورسز کا اپنے ساتھ لے جانے قابل افسوس ہے ۔
انھوں نے کہاہے کہ اس سے قبل بلوچستان میں فوج کشی کیے ہیں لیکن خواتین بچیاں اورماں بہنوں کا عزت احترام کو خاطر میں رکھا گیا ہے، لیکن اب بے دردی کے ساتھ روایات احترام کو اپنے پاں تلے روند رہے ہیں جو درست اقدام نہیں ہے۔
