امریکا نے بلوچستان میں مسلح حملوں کی شدید الفاظ میں مذمت کی ہے۔
ترجمان امریکی محکمہ خارجہ میتھیو ملر نے پریس بریفنگ میں کہا ہےکہ امریکا گزشتہ ہفتے بلوچستان میں ہونے والے حملوں کی شدید مذمت کرتا ہے،حملوں میں سکیورٹی اہلکاروں سمیت عام شہریوں کو نشانہ بنایا گیا۔
ترجمان امریکی محکمہ خارجہ نے دعوی کیا ہے کہ موسیٰ خیل میں 23 شہریوں کو نشانہ بنایا گیا، پاکستانی عوام نے تخریب کاروں کے ہاتھوں بہت نقصان اٹھایاہے۔
میتھیو ملر کا کہنا تھا کہ علاقائی سلامتی کو لاحق خطرات سے نمٹنے میں امریکا اور پاکستان کا مشترکہ مفاد ہے، ہم تخریب کاری کیخلاف جنگ میں پاکستان کے ساتھ کندھے سے کندھا ملا کر کھڑے رہیں گے۔انہوں نے کہا کہ پاکستان کی توانائی کی کمی کو پورا کرنے میں مدد کرنا امریکا کی ترجیح ہے،حکومت پاکستان کے ساتھ توانائی سے متعلق بات چیت جاری رکھے ہوئے ہیں۔
