جمعرات 04جنوری2024 زرمبش اردو
دادو شہر میں پاکستانی فورسز کی سندھی کارکن بلال چانڈیو کے گھر پر چھاپہ ، گھر میں توڑ پھوڑ ، فورسز نے چھاپے دوران خواتین پر تشدد کرکے انھیں لہولہاں کردیا ۔
وائس فار مسنگ پرسنز آف سندھ کی ترجمان سسئی لوہار نے اپنے آفیشل پئج پر بیان جاری کرتے ہوئے کہا ہے کہ دادو میں قومپرست کارکن بلال چانڈیو کے گھر پر چھاپہ اور خواتین پر تشدد کی سخت الفاظ میں مذمت کرتے ہیں۔
ا نھوں نے کہاہے کہ 17 جنوری پر سندھ کے رہبر سائیں جی ایم سید کی سالگرہ قریب آتے ہی پاکستانی فورسز نے سندھ بھر میں سندھی قومپرست کارکنان کے گھروں پر چڑھائِیاں کرکے قومپرست کارکنان کے خلاف ریاستی آپریشن شروع کردیا ہے ، جبکہ دادو میں پاکستانی فورسز نے سندھی کارکنان کے گھروں پر چھاپہ مارنا شروع کردیا ہے ۔
ترجمان نے کہاہے کہ ہم سندھ کی قومی تحریک اور تمام انسانی حقوق کی تنظیموں سے اپیل کرتے ہیں کہ سندھ بھر میں پاکستانی فورسز کے اس ریاستی آپریشن کے خلاف بھرپور آواز اٹھائیں۔
