لاہور معروف یوٹیوبر اور کامیڈین عون على كهوسہ کو نامعلوم افراد نے اغوا کرلیا۔
عون کھوسہ نے اپنے یوٹیوب چینل پر بجلی کے بھاری بلوں کے حوالے سے بل بل پاکستان گانا ریلیز کیا تھا جو اب ڈیلیٹ کردیا گیا ہے ۔
یوٹیوبر اپنی طنزیہ ویڈیوز اور موجودہ حکومت پر تنقید کے حوالے سےسوشل میڈیا پر شہرت رکھتے ہیں۔
یوٹیوبر کے بھائی علی شیر کھوسہ نے سوشل میڈیا پلیٹ فارم ایکس پر جاری بیان میں اطلاع دی کہ آدھی رات کو نامعلوم مسلح افراد نے لاہور میں واقع فلیٹ سے ان کے بھائی عون کو اغوا کیا ہے۔
انہوں نے صارفین سے اپنے بھائی کے لیے دعا کرنے کی درخواست کرتے ہوئے کہا ہےکہ اس خبر کو زیادہ سے زیادہ شیئر کریں کیونکہ یہ ان کے خاندان کے لیے بہت اہمیت رکھتا ہے۔
