گوادر بلوچ یکجہتی کمیٹی کے مرکزی ترجمان نے جاری بیان میں کہاہے کہ گوادر میں 28 جولائی سے کے شرکاء کے خلاف ظالمانہ کریک ڈاؤن جاری ہے۔
ترجمان نے تازہ صورت حال بیان کرتے ہوئے کہاہے کہ گوادر میں پرامن مظاہرین پر فورسز کے حملے میں دس سے زائد شرکاء شدید زخمی ہو گئے ہیں۔ جبکہ فورسز اب اندھا دھند رہائشی علاقوں میں گھس رہی ہیں جہاں شرکاء ٹھہرے ہوئے تھے، جس سے گھروں کو کافی نقصان پہنچایا جارہاہے ۔
بی وائی سی ترجمان نے کہاہے کہ اب وہ پرامن شرکا کو ڈرانے اور ہراساں کرنے کے لیے گھروں پر چھاپے مار رہے ہیں، جن میں بوڑھے مرد، خواتین اور بچے شامل ہیں۔ ہزاروں شرکاء کی زندگیاں خطرے میں ہیں۔ ہم عدلیہ اور عالمی برادری پر زور دیتے ہیں کہ وہ مزید خونریزی اور جانی نقصان کو روکنے کے لیے مداخلت کریں۔