خاران میں ہڑتال دکانیں کاروباری مراکز بند احتجاجی دھرنے کا سلسلہ جاری، تفصیلات کےمطابق خاران سے 15 جولائی کو مسلح افراد کے ہاتھوں اغواسراوان خاران کے رہائشی کاروباری شخصیت مختیار مینگل کی عدم بازیابی کیخلاف دھرنا جاری ہے۔
![](https://urdu.zrumbesh.com/wp-content/uploads/2024/07/1000144205-1024x448.jpg)
آج احتجاجی دھرنے میں بلوچستان نیشنل پارٹی کے رہنماء ثناء بلوچ چیئرمین ٹاون کمیٹی نورالدین نوشیروانی خاران کے سیاسی پارٹیز کے رہنماوں علماء کرام قبائلی عمائدین ہندوبرادری ،صحافی برادری زمیندار تاجر برادری و سوشل میڈیا پر سرگرم لوگوں نے آکر اظہار یکجہتی کی ۔
اس کے علاوہ انھوں نے احتجاجی دھرنے میں شرکت کرکے اغواء کاروں اور ضلعی انتظامیہ کو پیغام دیتے ہوئے پُرامن خاران اور چوری ڈکیتی اور اغواء برائے تعاون کیخلاف ایک پیج پر متحد ہونے کا اعلان کیا اور ضلعی انتظامیہ سے مغوی مختیار احمد کی فوری بحفاظت بازیابی کو یقینی بنانے کا مطالبہ کیا ۔
انھوں نے کہاکہ اگر مغوی بازیاب نہیں ہوا تواحتجاجی دھرنا کمیٹی مزید سخت فیصلہ اور قدم اٹھانے پر مجبور ہونگے۔