ضلع کیچ کے مختلف علاقوں سے تعلق رکھنے والے لاپتہ افراد کے لواحقین کے کیمپ کو سات دن مکمل ہوگئے،
کیمپ میں بی ایس او پجار ،حق دو تحریک اور دیگر سیاسی و سماجی تنظیموں کے رہنماؤں نے شرکت کرکے اظہار یکجہتی کی۔
لواحقین کا بھوک ہڑتالی کیمپ ضلعی انتظامیہ کیچ کے دفتر کے سامنے پھچلے سات روز سے جاری ہے جس سے ضلعی انتظامیہ کے دفتر کیساتھ کمشنر مکران، محکمہ خزانہ اور ضلع چیرمین کیچ کا دفتر بھی گزشتہ ایک ہفتے سے بند ہے۔
لواحقین نے کیمپ کو ایک ہفتہ مکمل ہونے کے بعد بھوک ہرتال شروع کردیا ہے، لواحقین کا کہنا ہے کہ ہمارے پیاروں کو بازیاب نہیں کیا گیا تو ہم مجبوراً احتجاج کے تمام آپشنز پر عمل کریں گے۔
لاپتہ افراد کے لواحقین کے کیمپ میں بلیدہ سے لاپتہ جان محمد کی والدہ بی بی شراتون کی طبیعت گرمی کی شدت سے بگڑ گئی اور وہ بیہوش ہوگئی جہاں انہیں طبی امداد دی گئی.
جاری کیمپ میں خواتین و بچوں کی بڑی تعداد شامل ہے۔
