تفتان : سرحدی شہر تفتان امپورٹ اور ایکسپورٹ کے کلیئرنگ ایجنٹ نے ہڑتال کا اعلان کردیا کسٹم آفس کے سامنے احتجاج ریکارڈ کروائے اور کام کو بند کردیا ۔
کلیئرنگ ایجنٹس کی ہڑتال سے تفتان بارڈر پر سینکڑوں گاڑیوں کی لمبی قطاریں لگ گئی ہیں اور ہڑتال جاری ہے ۔
اس موقع پر تفتان ٹریول ایجنٹس کا نمائندہ حاجی امان اللہ جمالدینی نے صحافیوں سے گفتگو کرتے ہوئے کہاکہ تفتان بارڈر سے روزانہ کی بنیاد پر 8 سے 10 کروڑ ملک کے قومی خزانہ کو ریونیو ملتی ہے ، مگر کسٹم تفتان کا رویہ کلیئرنگ ایجنٹس کے ساتھ درست نہیں ہے۔
کسٹم کے سپرنٹنڈنٹ اور انسپیکٹر نے اپنا ایک اجارہ داری قائم کررکھا ہے کلیئرنگ مکمل ہونے کے باوجود کلیئرنگ ایجنٹس کے ساتھ نازیبا رویہ اختیار کرتے ہیں۔
انھوں نے کہاکہ تفتان بارڈر اہم تجارتی مرکز ہے مگر کسٹم کے دو آفسیران نے کلیئرنگ ایجنٹس کو ناجائز تنگ کررہے ہیں کسی صورت یہ ہمیں برداشت نہیں ہے۔
انھوں نے مطالبہ کیا کہ انسپیکٹر اور سپرنٹنڈنٹ کا تبادلہ کیا جائے، بصورت دیگر امپورٹ اور ایکسپورٹ کا کام بند رہیگی ۔
