عمان کے دارالحکومت مسقط میں مسجد کے قریب فائرنگ سے 4 افراد ہلاک ہوگئے۔
پولیس کے مطابق واقعہ مسقط کے علاقے وادی کبیر میں پیش آیا جہاں امام علی مسجد کے قریب مسلح ملزم نے فائرنگ کردی جس کے نتیجے میں 4 افراد ہلاک ہوگئے۔
پولیس کا کہنا ہے کہ فائرنگ کے وقت مسجد میں تقریباً 700 افراد موجود تھے، فائرنگ کے نتیجے میں متعدد افراد زخمی بھی ہوئے ہیں۔
آپ جانتے ہیں خلیجی ملک سلطنت عمان میں یہ اپنے نوعیت کا پہلا واقعہ ہے، واقعہ مذہبی شدت پسندی کا شاخسانہ ہے، واقعہ میں جس مسجد کو نشانہ بنایا گیا ہے وہاں بیشتر نمازیوں کا تعلق ایشیائی ممالک اور بالخصوص پاکستان سے ہے، پاکستان میں اس طرح کے واقعات مسلسل پیش آتے رہتے ہیں جہاں اقلیتوں کو نشانہ بنایا جاتا ہے، اس واقعہ میں بھی یہی خیال ظاہر کیا جا رہا کہ ان میں بھی ایشیائی لوگ ملوث ہو سکتے ہیں، واقعے کی مزید تفصیلات آنا باقی ہیں ۔
