آواران کے علاقے کولواہ میں پاکستانی فورسز نے ایک گھر پر چھاپہ مار کر ایک نوجوان کو دوسری بار حراست میں لیکر لاپتہ کردیا ،جس کی شناخت لیاقت ولد ڈاکٹر شہداد کے نام سے ہوا ہے ، جو کولواہ کے علاقے بزداد کا رہائشی ہے۔
علاقائی ذرائع کے مطابق 14 جولائی 2024 کو پاکستانی فورسز اور خفیہ اداروں نے ان کے گھر پر چھاپہ مار کر انہیں اغوا کر لیا، جبری لاپتہ ہونے والے لیاقت کو 2021 میں بھی فورسز نے جبری لاپتہ کیاتھا جسے بعد ازاں شدید جسمانی تشدد کے بعد منظر عام پر لاکر چھوڑدیا گیا۔
علاقائی ذرائع کا یہ بھی کہنا ہے کہ لاپتہ لیاقت کے والد ڈاکٹر شہداد کو پاکستانی فورسز نے اگست 2016 کو جبری لاپتہ کیا تھا، تین چار دن کے بعد آواران دراسکی ندی میں اسے جعلی مقابلے میں قتل کرکے انکی نعش ویران جگہ پر پھینک دیا گیا تھا۔
بلوچ نیشنل موومنٹ (بی این ایم) کے انسانی حقوق کے ادارہ پانک نے لیاقت کی گمشدگی کی تصدیق کرتے ہوئے ان کی رہائی کا مطالبہ کیا ہے۔
