پسنی : شال میں لاپتہ افراد کے لواحقین اور بلوچ یکجہتی کمیٹی کے مظاہرین پر پولیس کی لاٹھی چارج ، شیلنگ اور گرفتاریوں کے خلاف پسنی میں ایک ریلی نکالی گئی ، ریلی میں مرد اور خواتین نے کثیر تعداد میں شرکت کی۔
![](https://urdu.zrumbesh.com/wp-content/uploads/2024/07/1000141116-1024x409.jpg)
ریلی کے شرکاء نے ہاتھوں میں پلے کارڈ اٹھا رکھے تھے جن پر لاپتہ ظہیر احمد سمیت دیگر لاپتہ افراد کی بازیابی اور شال پولیس کے خلاف نعرے درج تھے ۔
ریلی کے شرکاء نے پولیس کے خلاف اور لاپتہ افراد کی بازیابی کےلئے نعرے بازی کی، ریلی پسنی پریس کلب کے سامنے سے شروع ہوئی اور شاہراؤں پر گشت کرتا ہوا واپس پسنی پریس کلب کے سامنے اختتام پذیر ہوا۔
آخر میں ریلی کے شرکاء سمیت اہلیان پسنی کو 28 جولائی کو گوادر میں بلوچ یکجہتی کمیٹی کی جانب سے ہونے والے جرگے میں بھرپور شرکت کرنے کی اپیل کی گئی ہے۔