شال بلوچ نیشنل موومنٹ بی این ایم کے مرکزی ترجمان نے جاری بیان میں کہاہے کہ گلہ من وزیر پشتون قوم و وطن کی روح کی آواز تھے ، انھوں نے اپنی شاعری کے ذریعے پشتون قوم و افغان ملت میں سیاسی بیداری کا کام کیا۔وہ افغان وطن کے سچے عاشق اور پشتون قوم کے مخلص رہنماء تھے۔
![](https://urdu.zrumbesh.com/wp-content/uploads/2024/07/1000139857-1024x640.jpg)
انھوں نے کہاہے کہ پاکستانی ریاست جب بھی کسی کو اپنی عدالتوں اور قوانین کے ذریعے روکنے میں ناکام ہوتی ہے تو اس سے ماورائے قانون و عدالت نمٹتی ہے۔ گلہ من کے معاملے میں بھی پاکستانی ریاست نے یہی حربہ استعمال کرکے ان کو قتل کروایا۔
ترجمان بی این ایم نے کہاہے کہ گلہ من کی شہادت سے خطہ ایک پرجوش نوجوان انقلابی شاعر سے محروم ہوا ، بلوچ نیشنل موومنٹ ( بی این ایم ) کے قائدین و ممبران انھیں خراج عقیدت پیش کرتے ہیں اور اس نقصان پر پشتون قوم و افغان ملت ، پشتون تحفظ موومنٹ ( پی ٹی ایم ) اور ان کے خاندان سے دلی تعزیت کا اظہار کرتے ہیں۔