بلوچ اسٹوڈنٹس ایکشن کمیٹی کی جانب سے تعلیمی پسماندگی کے خاتمہ ” سکندر یونیورسٹی خضدار کی بحالی“ کے حوالے سے خضدار میں تعلیمی آگاہی بارے ریلی نکالی گئی ۔ بعد ازاں طلباء اور طالبات نے ریلی کے بعد ڈپٹی کمشنر آفس کے سامنے دھرنا بھی دے دیا-
اس موقع پر مقررین کہاکہ ریلی کا مقصد خضدار میں تعلیمی پسماندگی کو دور کرنا اور تعلیمی اداروں کی بحالی ہے سکندر یونیورسٹی تیار ہونے کے باوجود بند پڑا ہے اس کو بند رکھنے کا مقصد بلوچ طلباءکو تعلیم سے دور رکھنا ہے اسکولوں سے لیکر یونیورسٹی تک تعلیمی ادارے پسماندگی کا شکار ہیں لائبریری میں سہولیات نہیں ہیں ضلع میں صرف ایک لائبریری بحال ہے باقی تمام تحصیلوں میں سرکاری لائبریریز پر تالے لگے پڑے ہیں-
انہوں نے مقامی اور سرکاری حکام سے تعلیمی پسماندگی کے خاتمہ کا مطالبہ کیا –
