کیچ تربت پاکستانی فوج کے ہاتھوں جبری گمشدگی کے شکار مسلم عارف، فتح میار، جہانزیب فضل و دیگر لاپتہ افراد کے لواحقین نے اپنے جاری کردہ مشترکہ بیان میں کہا ہےکہ وہ عید الاضحیٰ کی نماز کے بعد شہید فدا چوک پر احتجاجی دھرنا دیکر عید منا کر پیاروں کی بازیابی کیلئے احتجاج ریکارڈ کرائیں گے، اور شام 5 بجے اپنے پیاروں کی بازیابی کیلئےشہید فدا چوک سے پریس کلب تک ریلی نکالیں گے۔
انہوں نے اپنے بیان میں تمام سیاسی، سماجی پارٹی تنظیموں اور انسانی حقوق کے اداروں ،سمیت عوام سے اپیل کی ہے کہ وہ عید کے دن ہونے والے دھرنے اور ریلی میں بھرپور شرکت کریں اور ہمارے ساتھ اظہار یکجہتی کریں.
آپ کو علم ہے مسلم عارف اور فتح میار کا تعلق بلیدہ سے ہے اور انکے فیملی نے دیگر لاپتہ افراد کے لواحقین کے ساتھ ڈی سی آفس تربت میں دھرنا دیا تھا جبکہ جہانزیب فضل کا تعلق آپسر تربت سے ہے۔
