بلوچستان کے ضلع کیچ کے علاقہ دازن تحصیل تمپ کے رہائشی براہمدغ ولد نواز نامی اٹھارہ سالہ نوجوان کو گزشتہ رات ، پاکستانی فورسز نے گھر واقعہ دازن سے دوسری مرتبہ جبری گمشدگی کا نشانہ بنا کر جبری لاپتہ کر دیا ہے ۔
اہلخانہ کے مطابق پاکستانی فورسز نے گزشتہ رات تیسری پہر کے وقت گھر پر چھاپہ مار کر گھر والوں کو تشدد کا نشانہ بنایا، انہیں دھمکایا اور زدکوب کرکے، گھر والوں کے موبائل فون چھین لیے اور براہمد غ کو غیر قانونی حراست میں لینے کے بعد لاپتہ کردیا۔
آپ کو علم ہے مزکورہ نوجوان کو اس سے پہلے 14 اکتوبر 2023 کو بھی فورسز نے جبری گمشدگی کا نشانہ بنایا تھا ،جسے بعد ازاں 6 فروری 2024 کو چھوڑ دیا گیا ۔
لواحقین کے مطابق کم عمر نوجوان کی دوبارہ جبری گمشدگی سے انکے گھر والے شدید ازیت کا شکار ہیں، انہوں نے تمام سیاسی ،سماجی ،انسانی حقوق کے تنظیموں اداروں سے اپیل کی ہے کہ وہ ا ن کی بازیابی کیلے آواز اٹھائیں۔
