بلوچستان کے ضلع سبی کے علاقے کرمووڈھ میں آج صبح مسلح افراد نے پاکستان فوج کے کیمپ پر راکٹ لانچرز اور دیگر بھاری ہتھیاروں سے سے حملہ کرکے فورسز کو جانی مالی نقصان پہنچا کر فرار ہوگئے ۔
علاقائی ذرائع کے مطابق مذکورہ علاقے میں گشت پر معمور پاکستانی فورسز اہلکاروں پر بھی مسلح افراد نے حملہ کردیا ہے ۔
علاقائی ذرائع کے مطابق مذکورہ کیمپ کو ایک روز قبل بھی حملے میں نشانہ بنایا گیا تھا جس کے بعد فوجی ہیلی کاپٹر ممکنہ طور پر اپنے زخمی یا ہلاک اہلکاروں کو لیجانے کیلئے پہنچے تھے۔
دریں اثناء ضلع مستونگ کے علاقہ کھڈ کوچہ ژلی کے مقام پر معدنیات لیجانے والی ٹرک کو مسلح افراد نے حملے میں نشانہ بناکر اس کی ٹائر پھا ڑ دیئے ہیں ۔ تاہم کوئی جانی نقصان نہیں ہواہے ۔
آخری اطلاع تک آ ج ہونے والے حملوں کی ذمہ داری تاحال کسی نے قبول نہیں کی ہے۔
