پنجگور تازہ اطلاعات کے مطابق پنجگور میں دو دھماکے ہوئے ہیں تاہم جگہ کا تعین ہوا ہے نہی نقصانات بارے معلومات مل سکے ہیں ۔
لیکن اکثر ایسے دھماکے پاکستانی فورسز قافلوں، چوکیوں اور کیمپوں کو نشانہ بناکر کیے گئے ہیں ۔
ادھر تربت کے نواحی علاقے شاپک میں نامعلوم مسلح افراد نے موبائل فون کمپنی یوفون ٹاور پر فائرنگ کرنے کے بعد نذرآتش کردیا،مقامی ذرائع کے مطابق گزشتہ شب نامعلوم افراد نے یوفون ٹاور پر فائرنگ کی اور اسے جلادیا جس کے بعد شاپک ومضافاتی علاقوں میں موبائل سروس مکمل طورپر معطل ہوکر رہ گئی ہے ۔
دریں اثناء مکران کوسٹل ہائی وے پر اورماڑہ سے کراچی جانے والی پرائیویٹ کار گاڑی بے قابو ہو کر پور کے قریب حادثے کا شکار ہوئی۔ حادثے میں نیوی کے لیفٹیننٹ ریاض احمد کی اہلیہ ھلاک جبکہ حادثے میں لیفٹیننٹ ریاض احمد خود شدید زخمی ہوگئے۔ حادثہ اس وقت پیش آیا جب لفٹیننٹ اور ان کی اہلیہ پرائیویٹ گاڑی میں اورماڑہ سے کراچی کے لیئے جا رہے تھے۔
