بی این ایم نیدرلینڈز کے اعلامیے کے مطابق، 13 نومبر کو نیدرلینڈز کے شہر اتریخت (Utrecht) میں یوم شہدائے بلوچستان کی مناسبت سے ایک پروقار تقریب منعقد ہوگی۔
اس پروگرام کا بنیادی مقصد بلوچستان کی قومی آزادی، وقار اور انصاف کی جدوجہد میں اپنی جانوں کا نذرانہ پیش کرنے والے شہداء کو خراجِ عقیدت پیش کرنا ہے۔
بی این ایم کی جانب سے تمام انسانی حقوق کے فعال کارکنان، صحافیوں اور بلوچستان کے حامیوں کو اس تقریب میں شرکت کی دعوت دی گئی ہے۔
دوسری جانب، بی این ایم کا مرکزی پروگرام 14 نومبر 2026 کو جرمنی کے شہر ہینوور میں منعقد ہوگا۔
اس سیمینار و کانفرنس کا عنوان "بلوچستان: آزادی، شناخت کی جدوجہد اور قربانیوں کی عظیم روایت” رکھا گیا ہے۔
ترجمان کے مطابق، اس پروگرام میں شہدائے بلوچستان کو خراجِ تحسین پیش کرنے کے ساتھ ساتھ بلوچستان کی قومی آزادی کی تاریخ، قومی شناخت کے تحفظ اور شہداء کے فلسفے پر گفتگو کی جائے گی۔
تقریب میں مختلف مکاتبِ فکر کے سیاسی و سماجی کارکنان، دانشور اور دیارِ غیر میں مقیم بلوچ قوم پرست شرکت کریں گے۔
