بلوچستان کے ضلع کیچ سے پاکستانی فوج کے ہاتھوں حراست میں لیے جانے کے بعد لاپتہ ہونے والے غلام جان بلوچ بازیاب ہو کر گھر پہنچ گئے۔
اطلاعات کے مطابق، غلام جان بلوچ محمد عمری کھن سامی کے رہائشی ہیں۔ انہیں 27 جنوری 2025 کو پاکستانی فوج نے حراست میں لینے کے بعد لاپتہ کر دیا تھا۔
اطلاعات کے مطابق غلام جان بلوچ 27 اکتوبر 2026 کو بازیاب ہو کر اپنے گھر پہنچ گئے ہیں۔
غلام جان بلوچ کی بازیابی کی تصدیق بلوچ یکجہتی کمیٹی نے کی ہے۔
دوسری جانب بلوچستان کے ضلع کیچ کے علاقے بلیدہ سے ایک شخص کی لاش برآمد ہوئی ہے، جس کی شناخت ہاشم عمر ساکن تربت کے نام سے ہوئی ہے۔
اطلاعات کے مطابق انتظامیہ نے لاش تحویل میں لے کر اسپتال منتقل کردی ہے۔
تاحال قتل کی وجوہات معلوم نہیں ہوسکی ہیں، جبکہ واقعے سے متعلق مزید تفصیلات سامنے نہیں آسکیں۔
