بلوچستان کے علاقے کولواہ میں پاکستانی فوج کے ایک قافلے کو اس وقت مسلح حملے میں نشانہ بنایا گیا جب وہ آپریشن کی غرض سے علاقے میں داخل ہو رہا تھا۔
ذرائع کے مطابق مسلح افراد مرہ شم اور اوٹان کے درمیان گھات لگائے بیٹھے تھے، جہاں فوجی قافلہ شدید حملے کی زد میں آیا۔
ابتدائی اطلاعات کے مطابق حملے میں متعدد اہلکاروں کی ہلاکت کی اطلاعات موصول ہوئی ہیں، تاہم سرکاری سطح پر تاحال کوئی تصدیق سامنے نہیں آئی۔
حملے کی ذمہ داری اب تک کسی تنظیم نے قبول نہیں کی، تاہم بلوچستان میں ماضی میں ہونے والے متعدد حملوں کی ذمہ داری بلوچ آزادی پسند تنظیمیں قبول کرتی رہی ہیں۔
