بلوچستان کے ضلع کیچ کی تحصیل تمپ کے علاقے کونشکلات میں مسلح افراد کی فائرنگ کے نتیجے میں ایک شخص ہلاک جبکہ دو خواتین زخمی ہوگئیں۔
ذرائع کے مطابق فائرنگ کا واقعہ ہفتہ کے روز پیش آیا، جہاں نامعلوم مسلح افراد نے عامر ولد نور بخش کو نشانہ بنایا، جو موقع پر ہلاک ہوگئے، جبکہ فائرنگ سے ان کی اہلیہ سمیت دو خواتین زخمی ہوگئیں۔
اطلاعات کے مطابق عامر نور بخش کو اس سے قبل پاکستانی فوج کے ہاتھوں دو سال تک جبری لاپتہ رکھا گیا تھا اور وہ 23 اپریل 2026 کو بازیاب ہوئے تھے۔ ذرائع کا کہنا ہے کہ وہ علاج کی غرض سے کراچی جا رہے تھے کہ راستے میں انہیں نشانہ بنایا گیا۔
واقعے کے بعد لاش اور زخمیوں کو فوری طور پر قریبی ہسپتال منتقل کر دیا گیا، جہاں زخمیوں کو طبی امداد فراہم کی جا رہی ہے۔
