خاران سے اطلاعات کے مطابق جامعہ بلوچستان کے سب کیمپس خاران میں نامعلوم مسلح افراد کی فائرنگ کے نتیجے میں ایک لیکچرار ہلاک جبکہ ایک پروفیسر شدید زخمی ہوگئے۔
مقامی ذرائع کا کہنا ہے کہ فائرنگ کے نتیجے میں لیکچرار دلاور خان موقع پر ہی ہلاک ہوگئے۔
واقعے میں پنجگور سے تعلق رکھنے والے پروفیسر بلال احمد گچکی شدید زخمی ہوگئے، جنہیں فوری طور پر شیخ زید ہسپتال خاران منتقل کر دیا گیا، جہاں انہیں طبی امداد فراہم کی جا رہی ہے۔
ذرائع کے مطابق حملہ آور فائرنگ کے بعد موقع سے فرار ہونے میں کامیاب ہوگئے جبکہ واقعے کے محرکات تاحال معلوم نہیں ہو سکے۔ حکام کا کہنا ہے کہ واقعے کی تحقیقات شروع کر دی گئی ہیں۔
