بلوچستان کے ضلع نوشکی کے مختلف علاقوں میں پاکستانی فوج کے قافلوں کو نشانہ بنانے اور اہم تنصیبات کو نقصان پہنچانے کی اطلاعات موصول ہوئی ہیں۔
تفصیلات کے مطابق نوشکی کے علاقے گلنگور میں گھات لگائے گئے مسلح افراد نے پاکستانی فوج کے قافلوں پر شدید حملے کیے۔ ذرائع کا کہنا ہے کہ ان حملوں کے نتیجے میں فوج کی دو گاڑیاں تباہ ہو گئیں جبکہ 15 سے زائد اہلکاروں کے ہلاک ہونے کی غیر مصدقہ اطلاعات بھی سامنے آئی ہیں، تاہم سرکاری ذرائع کی جانب سے تاحال ان اعداد و شمار کی تصدیق نہیں کی گئی۔
اسی دوران گلنگور کے مقام پر آر سی ڈی شاہراہ پر واقع مرکزی پل کو بارودی مواد کے ذریعے تباہ کر دیا گیا، جس کے باعث کوئٹہ اور تفتان کے درمیان زمینی رابطہ شدید متاثر ہوا ہے اور آمدورفت معطل ہونے کی اطلاعات ہیں۔
علاقائی ذرائع کے مطابق کیشنگی سے کردگاپ تک آر سی ڈی مرکزی شاہراہ پر بلوچ لبریشن آرمی کا کنٹرول قائم ہونے کی اطلاعات بھی موصول ہوئی ہیں، تاہم اس حوالے سے بھی سرکاری سطح پر کوئی تصدیق سامنے نہیں آئی۔
دوسری جانب نوشکی کے علاقے احمد وال میں بھی کارروائی کی اطلاعات ہیں، جہاں ذرائع کے مطابق بلوچ لبریشن آرمی کے سرمچاروں نے ایک ٹرین کو روک کر نذرآتش کر دیا۔
