کراچی کے ایم اے جناح روڈ پر واقع گل پلازہ شاپنگ مال میں شدید آتشزدگی کا واقعہ پیش آیا ہے۔ آگ اچانک بھڑک اٹھی جس نے دیکھتے ہی دیکھتے پوری عمارت کو اپنی لپیٹ میں لے لیا۔
ریسکیو ذرائع کے مطابق آگ لگنے کے نتیجے میں متعدد افراد ہلاک جبکہ درجنوں زخمی ہو گئے ہیں جنہیں مختلف اسپتالوں میں منتقل کیا گیا ہے۔ واقعے کے بعد 60 سے زائد افراد لاپتہ بتائے جا رہے ہیں جن کی تلاش کے لیے ریسکیو آپریشن جاری ہے۔
فائر بریگیڈ اور ریسکیو ٹیموں نے کئی گھنٹوں کی کوشش کے بعد آگ پر قابو پایا، تاہم عمارت کے کئی حصے منہدم ہو چکے ہیں۔ ابتدائی تحقیقات کے مطابق آگ لگنے کی ممکنہ وجہ الیکٹریکل شارٹ سرکٹ بتائی جا رہی ہے۔
حکام کا کہنا ہے کہ واقعے کی مکمل تحقیقات کی جا رہی ہیں جبکہ متاثرہ خاندانوں کی مدد کے لیے اقدامات شروع کر دیے گئے ہیں۔
