سوراب کے علاقے ماراپ چانڈوخی کے مقام پر سڑک کنارے سے ایک شخص کی لاش برآمد ہوئی ہے، جسے نامعلوم افراد نے فائرنگ کرکے ہلاک کر دیا۔
پولیس کے مطابق لاش کی شناخت میر جان ولد بھائی خان قوم مڈداشہی کے نام سے ہوئی ہے، جو ماراپ کا رہائشی بتایا جا رہا ہے۔ واقعے کی اطلاع ملتے ہی پولیس موقع پر پہنچ گئی اور ابتدائی تحقیقات شروع کر دیں۔
پولیس حکام کا کہنا ہے کہ مقتول کو فائرنگ کرکے ہلاک کیا گیا ہے، تاہم واقعے کے محرکات تاحال معلوم نہیں ہو سکے۔ لاش کو ضروری قانونی کارروائی کے لیے سول ہسپتال سوراب منتقل کر دیا گیا، جہاں قانونی تقاضے پورے کرنے کے بعد لاش ورثا کے حوالے کر دی گئی۔
پولیس نے واقعے کی مزید تحقیقات شروع کر دی ہیں۔
