بلوچستان کے مختلف علاقوں میں نامعلوم مسلح افراد نے پاکستانی فوج اور پولیس چوکیوں پر حملے کیے ہیں، جن میں جانی نقصان کا خدشہ ظاہر کیا جا رہا ہے۔
ذرائع کے مطابق کولواہ کے علاقے گیشکور میں آج شام تقریباً 4 بجے مسلح افراد نے گراڑی میں قائم پاکستانی فوج کی ایک چوکی پر حملہ کیا۔ ابتدائی اطلاعات کے مطابق حملے میں فورسز کو جانی نقصان پہنچنے کا امکان ہے، تاہم حکام کی جانب سے تاحال جانی نقصان کے حوالے سے کوئی باضابطہ بیان سامنے نہیں آیا۔
ادھر کچھی بڑی تعداد میں مسلح افراد نے کچھی کے علاقوں کوناڑو اور گاجان میں لیویز چیک پوسٹوں پر دھاوا بول کر قبضہ کر لیا اور اہلکاروں سے اسلحہ چھین لیا۔
اسی دوران جھل مگسی کے علاقے کوٹڑو میں بھی مسلح افراد نے پولیس تھانے پر حملہ کیا، جہاں پولیس اور حملہ آوروں کے درمیان فائرنگ کا تبادلہ ہوا۔ بھاری ہتھیاروں کے استعمال کی آوازیں بھی سنی گئیں، تاہم کسی جانی نقصان کی اطلاع موصول نہیں ہوئی۔
