بلوچستان کے ضلع مستونگ سے تعلق رکھنے والے ایک ہی خاندان کے دو پولیس اہلکار مبینہ طور پر جبری گمشدگی کا شکار ہوگئے۔ واقعہ 21 نومبر 2025 کی صبح شمس آباد کے قریب پیش آیا جب اہلکار محمد شفاء ولد سفر خان اور عبیداللہ ولد عبدالنبی ڈیوٹی سے چھٹی کے بعد گھر واپس جا رہے تھے کہ راستے میں ایف سی اور ایجنسی کے اہلکاروں نے انہیں حراست میں لینے کے بعد لاپتہ کردیا۔
دونوں نوجوان آپس میں کزن بتائے جاتے ہیں اور مستونگ کے علاقے کلی ٹنڈلان کے رہائشی ہیں۔
