ڈیرہ مراد جمالی اور کچھی میں دو خواتین سمیت تین افراد کو تشدد اور فائرنگ کے واقعات میں قتل کر دیا گیا۔
پولیس کے مطابق، ڈیرہ مراد جمالی سٹی کے تھانہ شرقی ابڑو محلہ میں شوہر نے اپنی بیوی (ش) پر تشدد کیا جس کے نتیجے میں وہ شدید زخمی ہو گئی۔ زخمی حالت میں اسے ہسپتال منتقل کیا گیا لیکن زخموں کی تاب نہ لاتے ہوئے وہ چل بسی۔
اسی طرح، کچھی کے تھانہ بھاگ کی حدود میں، محمود اولیاء کے قریب گزشتہ شب مبینہ طور پر سیاہ کاری کے الزام میں مسلح افراد نے فائرنگ کر کے ایک خاتون سمیت دو افراد کو قتل کر دیا اور فرار ہو گئے۔
پولیس نے مقتولین کی نعشیں قبضے میں لے کر ہسپتال منتقل کیں اور ضروری قانونی کارروائی کے بعد ورثاء کے حوالے کر دی۔ مختلف مقدمات درج کر کے واقعے کی مزید تحقیقات شروع کر دی گئی ہیں۔
