کوئٹہ میں بڑھتے ہوئے سیکورٹی خدشات کے پیش نظر تمام تعلیمی ادارے 12 سے 14 نومبر تک بند رہیں گے اور امتحانات ملتوی کر دیے گئے ہیں۔ اس فیصلے کے تحت آرمی پبلک اسکول، فیڈرل گورنمنٹ ایجوکیشنل انسٹیٹیوٹ، بیکن ہاؤس، دی سٹی اسکول، کوئٹہ انسٹیٹیوٹ آف میڈیکل سائنسز اور کوئٹہ کالج آف ڈینٹسٹری سمیت تمام سرکاری و نجی ادارے شامل ہیں۔
اعلامیے میں بتایا گیا کہ ان تین دنوں کے دوران تدریسی اور غیر تدریسی سرگرمیاں معطل رہیں گی۔ خاص طور پر کلاس نہم اور دہم کے 13 نومبر کو ہونے والے امتحانات ملتوی کر دیے گئے ہیں، جن کی نئی تاریخوں کا اعلان بعد میں کیا جائے گا۔
