بلوچ ریپبلکن گارڈز کے ترجمان دوستین بلوچ نے جاری کردہ بیان میں کہا ہے کہ سرمچاروں نے نصیر آباد کے علاقے نوتال کے قریب قابض پاکستانی فورسز کی ایک چیک پوسٹ پر بھاری اور جدید ہتھیاروں سے فائرنگ کی۔ اس حملے کے نتیجے میں فورسز کے دو اہلکار موقع پر ہلاک جبکہ چار شدید زخمی ہوگئے۔
ترجمان نے کہا کہ دریں اثنا، بی آر جی کے سرمچاروں نے نصیر آباد کے علاقے چھتر میں بلوچستان سے پنجاب جانے والی بجلی کی لائن کے ٹاورز کو دھماکا خیز مواد نصب کر کے اڑا دیا۔ اس حملے کے نتیجے میں دو ٹاور زمین بوس ہوگئے جبکہ دو کو شدید نقصان پہنچا۔
انہوں نے کہا کہ تیسرا حملہ نصیر آباد کے علاقے رابی میں اُس وقت کیا گیا جب گیس کی نگرانی پر مامور سیکورٹی فورسز ہلکاروں کو ریموٹ کنٹرول بم دھماکے سے نشانہ بنایا گیا۔ دھماکے کے نتیجے میں ایک اہلکار ہلاک جبکہ ایک شدید زخمی ہوا۔
ترجمان کا کہنا تھا کہ ہماری تنظیم بی آر جی ان حملوں کی ذمہ داری قبول کرتی ہے اور واضح کرتی ہے کہ ایسی کارروائیاں بلوچستان کی آزادی تک جاری رہیں گی۔
