مستونگ پولیس کے ڈپٹی سپرنٹنڈنٹ (ڈی ایس پی) رفیق حمزہ لاپتہ ہوگئے ہیں جس پر اہل خانہ اور حکام شدید تشویش میں مبتلا ہیں۔
اہل خانہ کے مطابق رفیق حمزہ مرحومہ والدہ کی تدفین اور تین روزہ فاتحہ خوانی کے بعد آبائی گاؤں شریکئی مشکے، ضلع آواران سے واپس حب چوکی پہنچے تھے۔ گزشتہ روز دوپہر تقریباً 12 بجے وہ حب چوکی سے اپنی ڈیوٹی کے لیے مستونگ روانہ ہوئے۔
ذرائع کے مطابق وہ سوراب تک پہنچ گئے تھے، تاہم اس کے بعد سے ان کا کوئی سراغ نہیں ملا جبکہ ان کے موبائل فون بھی مسلسل بند ہیں۔
اہل خانہ نے ڈی ایس پی رفیق حمزہ کی فوری بازیابی کے لیے اعلیٰ حکام سے ہنگامی اقدامات اٹھانے کی اپیل کی ہے۔
