بلوچستان کے ضلع سوراب کے علاقے تاریکی ڈیم میں درجنوں مسلح افراد نے حملہ کرکے علاقے کو اپنے کنٹرول میں لے لیا ہے۔
عینی شاہدین کے مطابق حملہ آوروں نے سڑک بلاک کرکے گزرنے والی گاڑیوں کی تلاشی لی اور اس دوران کسٹمز اور لیویز کو نشانہ بنایا۔ ابتدائی اطلاعات کے مطابق مسلح افراد نے کسٹم و لیویز کی دو سرکاری گاڑیاں، اسلحہ اور دیگر سامان اپنے قبضے میں لے لیا جبکہ اہلکاروں کو بھی حراست میں لے لیا گیا۔
ذرائع کے مطابق حملہ آوروں نے قریبی لیویز اور کسٹمز چیک پوسٹوں پر بھی دھاوا بولا اور وہاں موجود ہتھیاروں اور رسد پر قبضہ جما لیا۔
تاہم حملے کی ذمہ داری تاحال کسی تنظیم نے قبول نہیں کی ہے۔
