بلوچستان کے ضلع کیچ سے پاکستانی فورسز نے دو نوجوانوں کو حراست میں لینے کے بعد جبری طور پر لاپتہ کر دیا۔
ذرائع کے مطابق کیچ کے علاقے بالگتر سے پاکستانی فوج نے طارق بلوچ ولد دوستا سکنہ بالگتر کو ان کے گھر پر چھاپہ مار کر حراست میں لیا، جس کے بعد ان کا کوئی سراغ نہیں ملا۔
طارق کے بارے میں بتایا جا رہا ہے کہ وہ زمیاد گاڑی کا ڈرائیور ہے، اور ان کا شناختی کارڈ ایک ماہ قبل فورسز نے تحویل میں لے لیا تھا۔
دوسری جانب کیچ کے مرکزی شہر تربت سے پاکستانی فورسز نے کمال بلوچ ولد دینار سکنہ گورکوپ کو تربت میں ایک حجام کے دکان سے گزشتہ روز حراست میں لیا۔ کمال حجام کے دکان پر کام کر کے اپنے گھر کا خرچ چلا رہا تھا۔
اہل خانہ نے دونوں نوجوانوں کی فوری بازیابی کا مطالبہ کیا ہے۔
