ضلع کیچ کے مرکزی علاقے تربت میں گذشتہ شب مسلح افراد نے تعمیراتی کمپنی ایف ڈبلیو او کے سائٹ کو حملے میں نشانہ بنایا۔
اطلاعات کے مطابق گذشتہ شب بارہ بجے کے قریب مسلح افراد نے تربت میں ناصر آباد کے مقام پر ایف ڈبلیو او کی سائٹ پر حملہ کیا۔
حملہ آوروں نے کمپنی کی مشنری کو نزرآتش کردیا جبکہ ایک گاڑی اور موٹر سائیکل اپنے تحویل میں لیکر اپنے ساتھ لے گئے جبکہ مزدوروں کو تبیہہ کے بعد چھوڑ دیا گیا۔
حملے کا نشانہ بننے والی کمپنی تربت تا مند روڈ کی تعمیر میں مصروف تھی۔ 20 ارب روپے کی لاگت سے بننے والا منصوبہ “ساؤتھ بلوچستان ترقیاتی پیکج” کا حصہ ہے جس کا افتتاح گذشتہ سال دسمبر میں وزیراعلیٰ سرفراز بگٹی نے کیا تھا۔
