کیچ ( مانیٹرنگ ڈیسک ) ضلع کیچ کے تحصیل تمپ سے پاکستانی فورسز نے حسرت خلیل نامی نوجوان کو حراست میں لے کر نامعلوم مقام منتقل کردیا ۔
بلوچ یکجہتی کمیٹی بی وائی سی کیچ زون نے نوجوان کی جبری گمشدگی کی مذمت کرتے ہوئے کہا ہے کہ بلوچستان میں کوئی دن ایسا نہیں گزرتا کہ پاکستانی ریاست بلوچوں کو مختلف طریقوں سے نسل کشی کررہا ہے ۔
انہوں نے کہاکہ پڑھے لکھے بلوچوں اور اساتذہ کو گولیاں ماری جا رہی ہیں۔جبکہ جبری گمشدگیوں میں اضافہ کیا جارہا ہے ۔
دریں اثنا پنجگور کے علاقے گرمکان کے رہاشی اللہ بخش ولد سبزل بازیاب ہوکر اپنے گھر پہنچ گئے ہیں جنھیں کچھ عرصہ قبل پاکستانی فورسز نے حراست میں لیکر لاپتہ کردیا تھا۔
